قصه حبي اللتي اعاني منها منذ 25-5-2006

قصه حبي اللتي انهتني
هذي قصتي كتبتها مع دمعي وقهري أقولها لكم عسى ألقا في كتابتي راحه أو من أحدكم حل
بحاول أفصلها بقدر ما أستطيع وقد ما أعرف أوصل معلومات
تعرفت على بنت عبر عملي أنا نظام عملي دعم فني تعرفت عليها عبر التليفون مع أنه ياما جاني تليفونات من بنات بس محد لفت نظري أو حبيت أتعرف عليه لين جاء اليوم اللي دقت فيه بنت وحليت لها مشكلتها بغض النظر ما إذا كانت كلمتها أول مره ورجعت أتصلت مره ثانيه وثالثه البنت لفتت نظر عن غيرها بما إنها بنت عاقله وأسلوبها أكثر من رائع كان ضمن نقاشنا بالمشكله قدرت أوصل إلى ايميلها ومن أي مدينه وعلى ماصدقت أنه دوامي خلص ورحت على البيت أضفتها على مسنجري في اليوم اللي بعده كان عندي إجازه من دوامي وقعدت بالبيت وإلا البنت فتحت عندي كنت معها صريح ولا لفيت ولا درتقلت لها أنه أنا اللي كلمتيني في المشكله الفلانيه وقلت لها إنك لفتي نظري ومن هالكلام مع مرور الأيام تعرفت على البنت وصارت البنت متعلقه فيني مدري من أيش وأنا فعلاً ماكذب عليكم تعلقت فيها البنت كانت تكلم شباب وأنا كنت أكلم بنات قبل مانحب بعض كل واحد فينا ترك اللي يكلمهم وقويت علاقتنا وصارت مشاكلها عندي ومشاكلي عندها وبدينا نتكلم على الجوال وهذا كله وباقي ماحبينا بعض الين جاء يوم أحس البنت فيه إنها تحبني وأنا أحبها ومن أسلوبنا مع بعض واضح وثقه عمياء وأحنا مالنا إلا تقريباً أسبوعين سوا صارت لي مشكله وإنقطعت عن النت 3 أيام البنت صارت مخروشه علي قلت لها المشكله اللي صارت والبنت تترجاني أروح المستشفى من اللي فيني وفعلاً قمت من النت ورحت وتعالجت وفي اليوم الثاني أو بنفس اليوم كلمتها أنا بديت ألمح للبنت إني أحبها وهي فاهمه إلين قالتلي إنها تحبنيسألنا بعض ليه نحب بعض محد عنده جواب للثاني إلا أنه أنا لفت نظرها وهي لفتت نظري ومعروف أنه الحب بدايته إعجاب عدت الأيام جينا يوم نبي نتقابل في الفيصليه تحديداً في الكوفي شوب اللي بالبرج رحت أنا لأن هذا المكان أحب أقعد فيه دايم تواعدنا وللأسف ماقدرنا نتقابل لأن البنت ماكان معها جوال وراح تعرفني من صورتي ولبسي وأنا بالمثل رحت أنا البيت متضايق وهي متضايقه وصدفه تقابلنا على الماسنجر وطلع فعلاً قابلتها وقابلتني بالفيصليه بس ماعرفتني ولا أنا عرفتهاالمهم مع مرور الأيام كل يوم عن يوم البنت تتعلق فيني وأتعلق فيها إلين جاء عيد الفطر رحت أنا الشرقيه مع شباب طبعاً طول الخط سواليف أنا وهي لدرجه إني أنا وهي صرنا نخلي جوالاتنا شغاله حتى ونحنا نايمينأنا معلق جوالي على رقبتي وهي تحطه جنبها أنا تركت الدبابات مع إنها هوايتي على شان خاطرها وهي تركت كل شي ماحبيته أنا بغض النظر وش كان وفعلاً مقدر أقول إلا أني عقلت وبطلت الخراب وكل شي على شانها لدرجة إني لا بغيت أتشرى شئ أسألها حلو أو لا كنت إما أوصف هالشئ يا أرسل صورتهكل شي أسألها فيه وهي كل شي تسألني وتستأذني فيه المهم البنت صارعليها موقف في العيد وأنا بالشرقيه مالي حدود ثلاث ساعات ودخلت المستشفى بالعنايه المركزه بعد تقريباً شهر ونص ماتشوف البنت غير ملفوف على عيونها شاش وهي ماتبيني أجيها وماتبيني أرجع الرياض وماقدرت أرجع الرياض إلا لأني حلفت لها والبنت كل من حولها صار يعرفني وأنا نفس الشئ وأنا بالشرقيه فقدت أعز أصدقائي على شانها من اجل مزحه مزحها وغلط عليها إضطريت أتركه ورحت يم شباب ثانيينخلص العيد ورجعت أترجاها أجي أشوفها بس بدون فايده ردها دايم ما أبيك تشوفني وأنا بحالتي هذي ما أبيك تكون تعاملني برحمه مع أنه أعرف بأي مستشفى وبأي غرفه بس البنت منعت الزياره عليهاوصرت أنا متعلق إلين طلعت وعدت الأيام وبدينا نرجع مثل أول بس هالمره بدون نت لعدم قدرتها على الدخول مثل أول صرنا بس على الجوال مانتفارق سواءً بالدوام بالبيت مع الشباب أكلمها أكثر ما أكلم أي أحدأو أقعد مع نفسي الوقت الوحيد اللي ممكن أسكت فيه يوم أنام ولا قمت من النوم تكلمنا وإذا ماتكلمنا في رسايل بيننا المهم أستمريت أنا وهي إلين جاء أول يوم قدرنا فيه نتقابل غير المحاولات السابقه اللي ماضبطت من طرفها بغض النظر كانت أيش الظروف طلعنا طلعتنا الأولى رحنا وقعدنا بالكوفي شوب اللي بالتحليه اللي أسمه سزلر هاوس وطبعاً البنت كانت تبي تتعلم هكر بس ماتقدر تخش النت وأنا كنت أصلحلها دروس طول الفتره فما أقدر إلا أني أجيبلها كتاب يشرح بعض أمور الهكرز طلعنا تمشينا وورتني بيتهم اللي بتنقل فيه وتمشينا وقبل ماجيت أوديها كانت تبي تطلع على المملكه جت تبي تنزل هي وصديقتها البنت ماودها تتركني ولا أنا ماأبي نفترق أقنعنا خويتها أننا نجلس سوا وفعلاً تمشينا وحنا متجهين إلى المكان اللي تبي تنزل فيه البنت ماسكه يدي وتقول سولفو ماتبي تسكت أو تفكر أني بنزلها وأنا نفس النظام المهم عدا الوقت وكنت مزعلها بشي بالطريق ويوم خويتها نزلت تجيب أغراض قعدنا سوا وأعتذرت منها المهم أعطتني مكعب تشوكليت إلى يومكم هذا وهو عنديالمهم نزلت البنت وأنا رحت عند شباب أول مانزلت عشر دقايق دقيت عليها شفت الأوضاع وتطمنت البنت نزلتها عند صديقتها وجاه ابوها اخذهارحت أنا والشباب يم بيت واحد من ربعي أنا قعدت بالسياره حدود ثلاث ساعات والشباب فوق واقف على جنب أتكلم معها بعد مانزلتها ماودنا نصدق أننا أفترقنا ولا واحد فينا مصدق اللي صار ولا مصدقين أننا أفترقناعدت الأيام وحنا على عادتنا البنت تكنسل سفراتها وتقعد بالرياض وأنا نفس الشي مانبي نفترقوودنا نتقابل بس الظروف ماتساعد البنت عندها مشاكل ماليه الدنيا ومآثره على كل شي عندها وحولها وأنا كانت ظروفي بعد جداً سيئه البنت من كثر مشاكلهابغت تنتحر بس ربنا ستر ولحقو أهلها عليها البنت أضطرت تسافر عيد الحج لظروف سيئه جدا ًلها ويوم وصلت للبلد أللي تبي تروحلها صارلها حادث سياره بس ماعلمتني إلا الين رجعت طبعاً وهي بالبلد أربعه وعشرين ساعه على التليفون البنت قعدت حدود ثلاث أسابيع أنا معروف بين العالم محمد اللي يضحك محمد اللي مايخاف محمد اللي مايهزه شي تغير فجأه محمد من أي شي يعصب يسوي مشاكلالبنت وصلها خبر ورجعت مسكتني ويوم جات على الرياض على أساس آخذها من المطار البنت حاستني عطتني موعد الطياره غلط على شان ماأشوفها وصرفتني البنت بديت وقتها أشك فيها لأن صارت تكذب عليمن قبل بفتره وتراوغ وتتهرب صارت تخبي علي أبسط الأشياء وأكبرها أقولها أيش تقولي موب الحين بعدين بعدين أنا تعبت وكتمت مده طويله جداً وفي الأخير أنكتمت وماقدرت أصبر أكثروهاوشتها وجرحتها لكن غصب عني ماقدرت أصبر البنت من ضمن الأسباب اللي بدت تتغير فيها من أعز صديقاتها البنت ذيك ماهضمتها أصلاً ولا هي هضمتني المهم بقيت ساكت وأنا فاهم الوضعمن وقتها صرت أنا أسلك وهي تكذب علي تصرفني تلف وتدور بدا كل شي يختلف مع العلم تجيني سفرات مع الشركه فيها ترقيه لي لوظيفتي أرفضها على شان مانفترق أو تحتاجني ماتلقاني جنبهاجتني سفريتين على الإمارات وسفره على جده ورفضت وغير اني اوقف كثير سفريات لأهلي اننا نستقر خارج الرياض وبعضها خارج السعوديهوجتني سفره للهند للدراسه مع مجموعه من أعز أصدقائي تركتهاالمهم البنت مع تغيرها وأنا ساكت وماشي والأيام تعديالمهم جبتلها هديه أقولها روحي خذيها من المكان الفلاني لأن ماتقدر تقابلني المهم قلت لها عن الهديه وهي كانت ملاحظه لي مده أسلوبي متغير لأن أنا محتاس منها ومحتار وش أجيبلها هديهالمهم قعدت الهديه تقريباً أسبوعين لين أخذتها وكان فيه كلمه إلى يومكم كل ما أذكرها أتضايق أقولها في لك هديه بالمكان الفلاني روحي خذيها تقولي ليه هديه ليش تجيب لي ؟؟ أسألها تقولي مافيه مناسبه أو مالها داعي هديهعدت الأيام وخذت هديتها وأستانست عليها وقالتلي وين حطتها ووش سوت فيها وكل شيالمهم مشت الأيام والبنت رجعت تتغير أكثر وكثر وكثرت مشاكلنا وماصرنا نتكلم سوا مثل أولالين جاء يوم وهذا من حظي أني أعرف وتأكدت أن كل اللعب من خويتها البنت طلبت مني أسويلها سي دي لخويتها أفصل الصوت عن الموسيقا المهم كل يوم تقولي شي الكلام بدأ يتناقض قداميخويتها تقول شي وهي تقول شي وأنا إلى يومكم ذا أسلك وما قلت شي المهم السي دي انحط في مكان أعرفه على أساس أن البنت خويتها حطته وبعد فتره أكتشفت من خويتها أن هي اللي حطتهويوم بحثت بالموضوع طلعت موب خويتي اللي حاطاه سواقهم !!! شفتو لأي درجه تكذب علي وليه بأبسط الأمور تكذب مدريوكان اليوم الثاني اللي كنت فيه خلاااااااااص مثل المجنون وتهاوشنا سوا ووصل بينا كلام خيالي وكل واحد جرح الثاني وكالعاده أروح وأتنازل وأصالحها لأن ماأقدر أخليها تزعل ثواني أزعلها مافيه أقفل إلاراجع متصل على طووووول المهم مرت الأيام وهي تعرف نقطة ضعفي دمعتها وأكثر شي يثيرني أنه احد يقفل بوجهي صارت تكثر التقفيل بوجهي كل ماتهاوشناوكالعاده في كل مشكله أنا اللي أصالح وأراضي وأسلك وأتحمل عدت الأيام وعلى أساس نتقابل وآخذها من الجامعه أنا حاولت وشفت الدنيا بالمنطقه اللي هي بالجامعه فيها المهم الوضع ماطمني نهائي قلتلها صعبه وأنه على شانهاالبنت ماقدرت وصارت تهاوشني وكان معي أعز اخوياي المهم الولد إنقهر وقعد يكلمها قالت كلام ماقدرت أنا أستحمل بوقتها جتني أزمة ربو وأغمى علي وخوي ماقصرالمهم البنت ولا اهتمت ترسل رسايل وللأسف تتكلم كلام كله جروح بجروح ومن بعدها صارت تتحداني المهم دارت الأيام وكل يوم على يوم تزيد مشاكلنا قمت أشوف عندها ويتنق تقولي خويتي بس ما عاد ترد علي يوم يكون معها ويتنقولا نامت تحط جوالها صامت وتطلع وتسوي اللي تبيه وآخر من يعلم أنا المهم بختصر هنا أشياء كثيرهإلين طلعت مني غلطه وأنا من النوع مقدر أخبي عليها أي شي حتى لدرجة كلامي مع أهلي ماخبيه عنها وتدري بكل شي سويت حركه إلى يومكم ندمان عليها كلمت بنت بالدوام كان دوامي من الساعه12 الليل إلى 8 الصبح وقمت أتسلى مع البنت ذيك المهم تسليت مع ذيك البنت وبغلطه عطيتها رقم جواليعلى طول أنتبهت على عمري وقفلت واستوعبت الوضع وقعدت تقريباً أسبوع أدق على خويتي أترجاها تفضي نفسها وتسمعني أبي أقولها الوضع اللي أنا فيهالبنت ماترد علي تعطيني مشغول أنا وقتها بغيت أنجن حسبت أنه منكح منها عدت الأيام طبعاً وش اللي طرا على بالي أنه منكح منها لأن قبل فتره قلت لها بطلع مع واحد خويي ومن ضمن الكلام قلت لها أنه راعي بنات البنت انهبلت كل شوي تدق وترسل رسايل وشغلتني وكنت أنا بمقهى معسل (كازينو شباب) خليتها تكلم الهندي ولا أقتنعت اضطريت أرجع البيت بدري على شانهاالمهم بعد أسبوع ونص تقريباً وأنا خلاص كنت وقتها بداية موت أو شوي ومستشفى كلمتني وقلت لها الوضعالبنت انصدمت وبعد ألف ويل وويل تصالحنا ودارت الايام والبنت على وضعها يوم ترد وعشره تسحب وإذا ما أتصلت ماتفكر تسألعدت الأيام وسوتلي مفاجئه كنت أنا بالدوام دقت علي تسلم طبعاً كانت بذاك الوقت رجعت لوضعها الطبيعي نوعاً ما نقدر نقولكلمتها قالتلي محمد أبي أشوفك الحين قلتلها مقدر بالدوام ما بالدوام قلتلها أصبري ساعه وبستأذن من الدوام وبجيك قالت لا الحين أنزل تحت أبيك أنا إنصدمت إلا هي تحت مع خويي ! انا انهبلت !!!طلعت أستأذنت من الدوام وطلعنا تمشينا وفليناها المهم جاء وقت طلعتها من الجامعه ورجعناهاطبعاً وقتها اخذت منها أسواره (بنجرة) جلد لونها أزرق دايم بايدها وقطعت عهد على نفسي معها أن هذي السواره ماتطلع من يدي إلا إذا مت أو أنقطعتالمهم بعدها باسبوع جت طلعه ثانيه وطلعنا وخذيت منها شال وصرت مانام إلا والشال علي ماأطلع من البيت الا والشال علي وهي كان معها ولاعتي وهديه مني المهم مشت الأيام وأنا على هالحالوالبنت رجعت تتغير ألعن من أول بكثير جداً جداً المهم طلعت مني حركه بايخه وقمت افر ورا البنت وطلعت كل شي عنها خاص وغير خاص وقلتلها وزعلت وصارت تخاف مني ووعدتها أني ماسوي ذا الشي وفعلاً وقفته البنت بدت تقولي محمد خوفتي مانتزوج أنا اهلي طريقتهم غير خوفتني يجي ولد عمي ويطلبني مايقولون لأ مع إنه دايم كانت تقولي هالكلمه (وراسك يا محمد ماحد يمس شعره فيني غيرك لو يكلفني حياتي أو نهرب سوا وأبيع أهلي على شانك يا محمد)المهم أنا بديت أتوه وأحتار وخلاص بديت أندمر البنت بدت تقولي كلام غريب وأنا أقولك على شان لاتنصدم بعدين عرفت أن البنت تبي تبعد حاولت أعلقها فيني لكن خويتها الخبيثه كانت متمكنه منهاالمهم جت فتره إيميلي فيه مشاكل وكنت أستخدم إيميلها الين جاه يوم وكلمت خويتها على إنها هي وهذي أعترف إنها غلطه مني تهاوشت أنا والبنت لأنها غلطت علي وتحسبني خويتيالمهم قلت لها الهكر ومحمد اللي تتكلمين عنه أنا أنهبلت قامت تتفلسف وتهدد ودايركت دقت على خويتي ماردت وكلمتها بالجامعه كلمتني خويتي الصبح قافله معها قعدت أسبوع أتأسف وأقنعها وأفهمها لكن هيهيهيهي ! بدون اي فايده بالعربي لاحياة لمن تنادي .....قطعتني ثلاث أسابيع طبعاً لاتسأل ولا تدق ولا شي جاء اليوم اللي ردت فيه قلتلها كيفك شخبارك وينك ومن هالعلوم بس يا خساره تكلمني من طرف خشمها كعادتها القديمهالمهم تقولي أنا لا أسال لا عن قريب ولا عن بعيد وقفلت بوجهي ماتوقعت أنها قفلت بوجهي دقيت معها ويتنق وطول الويتنق زي أول بالساعات ولا تردالمهم دقيت بعدها بفتره ثلاث مرات تعطيني مشغولبعدها بأربع أيام كنت بدوامي عندي تدريب موظفين وتحضير لي أختبار وقروشه دقت علي وكان اليوم الفاصل تقولي محمد هي كلمتين ! زين قلت لها شفيك الحين ؟!تقولي محمد أسمع أنا ماهو ناقصني مشاكل منك ووجع راس مع أهلي الله لايهينك لا تدق علي وأنا بالبيت وباي أنا قفلت معيطلعت من عند الإداره لبره وكلمتها تقولي أسمعني أنا ماعندي لا رصيد ولا وقت أضيعه عليك ومعاك وماني فاضيتلك رقمي هذا إنساه ولا عاد تدق عليه قلت لها شفيك الحين فهميني خلني أروح البيت وكلمك تقولي آسفه ماني فاضيتلك وماني راده لا تدق قلت لها يعني ماتبيني قالتلي أيه خلاص إنساااااااااني وقفلت واضح وقتها أن راسها متروس حكي وكلام لأن البنت من النوع الحساس وهذي المره تتكلم بعصبيه !!!وهذي قصتي وأبيكم تحكمو لأنه أنا طول هالفتره لي 9 أيام توني أول يوم قادر أتكلم وأتنفس فيه اليوم عايش بس على الدخان والقهوه والمويهواللللللللللللللللللللللللحينابي انساها ماني قادر ؟!ابي اكلمها ماني هاين كرامتي لاني ماقصرت معها ؟!ابي اعرف ليه كل هذا ماني قادر ؟!!!ابي اعرف وش قصرت يوم من الايام فيه ؟!وش خنتها يوم فيه مدري ؟!وش قد قالت شي وقلتلها لا !ابي اسوي شي يريحني !ولاني بيوم من الايام خنت احد او ظلمته او غلطت عليه على شان ينرد حقه كذا !هذي هديتي لاني حبيتها ؟هذا جزاء الصراحه ؟هذا جزاء الحب الصادق ؟هذا جزاء التضحيه والتخلي عن كل اللي حول ؟هذا جزائي لاني كنت صادق وحبيت ووافي وحنون وأغار وماناظر الغير ؟هذي جزائي لاني ماسويت مثل باقي الشباب من نشر صور او امسك زلات او سويت فيها

شي ؟